نشر تلميذ البكالوريا إسكندر أصيل القلعة الصغرى من ولاية سوسة نداء إستغاثة ومناشدة لوزارة التربية بعد اتخاذ المندوبية الجهوية بسوسة قرار يقضي بإلغاء نتائجه ورسوبه بسبب تشابه اختباره بتمرين نزل في عملية تسريب على مواقع التواصل الاجتماعي.
كما هدد التلميذ بالانتحار داعيا وزير التربية إلى انصافه ورفع المظلمة التي تعرض لها.
وفي ما يلي نص التدوينة:
أناشد وزير التربية ومن يهمه الأمر أنا تلميذ في البكالوريا من أول العام وانا نمحرث يعلم بيا ربي نوصل نخلي روحي جيعان نجري بين الأيتيد والمطبوعات شقايا وتعبي والله تعبت والله نوم الليل لا نرقدو الواحد باش يمشي في عفس الساقين بعد شقايا وتعبي وبعد الفلوس اللي يعلم ربي منين جبتها ويعلم ربي وجبتها والله بالعرق باش نموت مالحريقة يجيني تليفون مالليساي نهار الأربعاء يقولولي أمشي المندوبية بسوسة توا توا مشيت شيقولولي ياا ناس يااا عالم يقولولي التمرين عدد 8 يشبه لللي هبط في التواصل الاجتماعي زززح شمدحلني والله في العربيه مشيت للببلينات وخرجت المحاور الكل وحفضت وصبيت يا ناس راو إبداء رأي أي اني شدخلني شنيا ذنبي اااني والله شي غريب والله رااني متعذب كينرا أمي تبكي ومقهور وشقايا وتعبي ٩ شهور واني نحرث والله باش نقتل روحي لوكان ميلقاوليش حل مكانش روحي أمانة في رقبتكم خاتر اللي تعرضتلو ضلم وحرام راني مالقهرة والله ماكانش أقسم بالله منحرق روحي وخلي اللي باش يصير خليه يصير وبالله برتجيو خاللي توصل لوين توصل حسبيالله ووعم الوكيل فاللي هضملي حقي والله نهار ااخر لنسامحكم الا منحيهولكم من لحمكم حسبيا الله ونعم الوكيل ومنيش باش نسكت على حقي وباش نقي قضية في المحكمة الأدارية.
هذا ظلم هذا حرااااام
