بالفيديو/ هذه حقيقة حادثة إعتداء رجل أعمال على اجنبي في سوسة..

قسم الأخبار

تداول رواد موقع التواصل الإجتماعي ”فيسبوك” مقطع فيديو يظهر لحظة إعتداء كهل يقطن بالقنطاوي بالعنف الشديد على شاب من أصول جنوب صحراء إفريقيا، وعمت موجة تعاطف عارمة  مساندة مع المتضرر.

قضية المواطن الايفواري الي عنفه تونسي و راجت الصور و الفيديوات على مواقع التواصل الاجتماعي

المواطن الايفواري عمره 25 سنة و يخدم عساس في المقهى على ملك السيد في جهة القنطاوي بسوسة.

يخدم عند السيد منذ ستة اشهر و السيد ما خلصوش في شهرين. اي 800 دينار

منذ ايام طلب الايفواري انه يقعد في القهوة الداخل خاطر السيد يخليه يعس البرة من القهوى و قاله انه مع وجه الصباح نبرد.

نهارت الي خلاه في القهوى، اتهمه بانه سرقه في ماكينة قهوة ، الامر الي رفضه الايفواري و قاله انا شفتك انت جيت الصباح بكري و هزيت الماكينة و كاميرات المراقبة بينتنا

انتهت العلاقة و نهارت الي صار التعدي بالعنف على الايفواري ، نهارتها مشى هذا الاخير صحبة ممثلي من الجالية الافريقية لجنوب الصحراء باش يطلب حقه

المعتدي التونسي رفض يعطيه و كمل فكلو الهاتف التونسي و قاله احنا توة خالصين بما انه الماكينة تسوى 800 دينار

القضية تعهدت بها جهة قضائية في سوسة و تم الاستماع للخصمين

و يبدو ان المعتدي التونسي ضليع في مثل هذه العملية، خدموا عنده ثلاثة وً سرقهم باش ما يعطيهمش فلوسهم

رواية حسب ممثل الجالية الافريقية لجنوب الصحراء بسوسة,

https://youtu.be/1lqJuSR96kE

Share this Article
آخر الأخبار