أثارت معلمة تونسية شابة جدلا واسعا على مواقع التواصل الإجتماعي بعد ظهورها في بثّ مباشر من داخل حصة الدرس وتصويرها للتلاميذ إلى حدّ فقدانهم التركيز وانشغالها بالحديث وقراءة التعليقات غير مبالية بالدرس ممّا أثار غضب رواد الفايسبوك خاصة أن تصوير التلاميذ ممنوع وهذه أبرز التعليقات :
يا سيدي هذي “معلمة” دخلت نتفرج صدفة ياخي لقيتها حاله لايف و تقري في نفس الوقت و تحكي مع الناس و مسيبه التلامذة، و بعد قلبت الكاميرا و بدت تصور في التلامذة لين فقدو التركيز و سيبو الدرس جملا !
اني عملت des captures écrans باش الناس تعرف و خاصة الأولياء يعرفو صغارهم فاش قاعدين يعملو و خاصة المعلمين إلي مسيبين الماء عالبطيخ حشى المعلمات و المعلمين الشرفاء إلي يحترمو مهنتهم و يقدروها.
هيا تفرجو على صغاركم تدور في لايفات وقتلي هو اصلا ممنوع باش توصل تصور صغير و زيد في مؤسسة تربوية دون ترخيص والا اي حاجة قانونية ! هذا بخلاف أنها مضيعه الصغيرات معاها و لاهية تجاوب و تحكي مع الناس !
